निर्वाचनमा गड्डाचौकी सीमा नाका तीनदिन बन्द हुने

कञ्चनपुर : कञ्चनपुरको गड्डाचौकी सीमा नाका तीन दिन बन्द हुने भएको छ । मंसिर ४ मा हुने प्रतिनिधि तथा प्रदेश सभा सदस्य निर्वाचनका लागि गड्डाचौकी सीमा नाका तीन दिन बन्द हुने भएको हो ।

यही मंसिर १ गते राति १२ बजेदेखि ४ गते राति १२ बजेसम्म सीमानाका बन्द हुने भएको हो। जिल्ला प्रशासन कार्यालय कञ्चनपुरले एक सूचना जारी गर्दै निर्वाचनलाई स्वच्छ, निष्पक्ष र भयरहित वातावरणमा सम्पन्न गर्न सीमा नाका बन्द गरेको जनाइएको हो।