सुदूरपश्चिम भ्रमणमा प्रधानमन्त्री देउवा

धनगढीः प्रधानमन्त्री एवं नेपाली कांग्रेसका सभापति शेरबहादुर देउवा निर्वाचनलक्षित भ्रमणका लागि सुदूरपश्चिम पुगेका छन् । गृहजिल्ला डडेलधुराबाट प्रतिनिधिसभामा सातौंपटक उम्मेदवार रहेका रहेका देउवा निर्वाचन क्षेत्रको भ्रमणका लागि आज सुदूरपश्चिम आइपुगेका हुन् ।
दिउँसो धनगढी विमानस्थलमा अवतरण गरेर आज धनगढीस्थित आफ्नै निवासमा बास बसेका छन् । जहाँ कैलाली र कञ्चनपुरका नेताकार्यकर्तासँग भेटघाट गरिरहेका छन् ।
भोली बिहानै भने डडेलधुरा प्रस्थान हुने कार्यक्रम रहेको उनको सचिवालयले जनाएको छ । जहाँ चारदिनसम्म चुनावी कार्यक्रममा सहभागि हुनेछन् ।
प्रधानमन्त्री देउवा कार्यव्यस्तताले मनोनयन दर्ताका क्रममा पनि डडेलधुरा पुग्नसकेका थिएनन् । । पत्नि डा. आरजु देउवा राणाले वारेसनामामार्फत उम्मेदवारी दर्ता गराएकी थिइन् ।