मोटरसाइकल पल्टिँदा धनगढीमा एकजनाको मृत्यु

धनगढी : धनगढीमा मोटरसाइकल पल्टिँदा एक युवकको मृत्यु भएको छ । कैलालीको धनगढी उपमहानगरपालिका ३ चटकपुरमा गएराति मोटरसाइकल पल्टिँदा मोटरसाइकलमा पछाडी सवार २७ वर्षीय चित्र मडैको मृत्यु भएको हो ।

प्रहरीले डोटीको जोरायल गाउँपालिका १ घर भएका मडैको धनगढीमै रहेको मायामेट्रो अस्पतालमा उपचारको क्रममा मृत्यु भएको जनाएको छ । धनगढीबाट अत्तरीयातर्फ जाँदै गरेको से २ प ५२ ८२ नम्बरको मोटरसाइकल गएराति १० बजे अनियन्त्रित भएर पल्टिएको थियो ।