बैतडीमा वडा सदस्यका उमेदवार साउदमाथि खुकुरी प्रहार

बैतडी : बैतडीमा वडा सदस्यका एक उमेदवारमाथि खुकुरी प्रहार भएको छ । गए राति नेकपा माओवादी केन्द्रका तर्फबाट वडा सदस्यका एक उमेदवार हरिराम साउदमाथि खुकुरी प्रहार भएको हो ।

सुदूरपश्चिम प्रदेश प्रहरी कार्यालयका एसएसपी भोला बहादुर रावलका अनुसार डिलासैनी गाउँपालिका–५ का वडा सदस्य उमेदवार ६० वर्षीय साउदमाथि खुकुरी खुकुरी प्रहार भएको हो ।

घटनामा संलग्न तीनजनामध्ये एकजना पक्राउ परेको सुदूरपश्चिम प्रदेश प्रहरी कार्यालयका एसएसपी रावलले जानकारी दिए । साउदमाथि नेकपा एमालेका कार्यकर्ताले आक्रमण गरेको माओवादीको आरोप छ । घाइतेलाई थप उपचारका लागि कैलाली रेफर गरिएको छ । उनको टाउकोमा गम्भीर चोट लागेको बताइएको छ ।