कैलालीको गोदावरीमा श्रीमानले आफ्नै श्रीमतीको गरे हत्या

धनगढी : कैलालीको गोदावरीमा श्रीमानले आफ्नै श्रीमतीको हत्या गरेका छन् । इलाका प्रहरी कार्यालय मालाखेतीका अनुसार गोदावरी नगरपालिका वडा नं ९ स्थित बल्मीका परशुराम रोक्का मगरले आइतवार श्रीमती भावना रोक्का मगरको हत्या गरेका हुन् ।

इलाका प्रहरी कार्यालय मालाखेतीले श्रीमतीको हत्या गरेर परशुराम फरार भएको जनाएको छ । घर झगडाकै बेला रोकामगरले आफ्नी श्रीमतीलाई धारिलो हतियार प्रहार गरी हत्या गरेको प्रारम्भिक अनुसन्धानबाट खुलेको मालाखेतीका प्रहरी प्रमुख डिएसपी नवराज पोखरेलको भनाई रहेको छ ।

श्रीमतीको हत्या गरी फरार रहेका रोकामगरको खोजी कार्य भइरहेको छ भने घटनाका विषयमा थप अनुसन्धान भइरहेको प्रहरी प्रमुख डिएसपी पोखरेलले जानकारी दिएका छन् ।