लागुऔषसहित एक महिला पक्राउ

धनगढी, असोज २१ (ई-रैवार)

लागुऔषसहित एक महिला पक्राउ परेकी छिन् । धनगढीमा बुधबार साँझ डडेल्धुराको अजयमेरु गाउँपालिका–४ घर भई हाल धनगढी उपमहानगरपालिका–१३ राजपुर बस्ने ३४ वर्षीया आशा बिष्टलाई प्रहरी पक्राउ गरिएको हो ।

जिल्ला प्रहरी कार्यालय कैलालीका अनुसार बिष्टको कोठाबाटै लागुऔषध ब्राउन सुगरसहित उनलाई पक्राउ गरिएको हो । उनको साथबाट ९ ग्राम २७० मिलिग्राम ब्राउन सुगर, ४४ ग्राम ७७० मिलिग्राम चरेस र १२ हजार २ सय नगद बरामद गरिएको जिल्ला प्रहरी कार्यालय कैलालीका प्रहरी नायव उपरीक्षक प्रतीक विष्टले बताएका छन् ।

पक्राउ परेका महिलामाथि लागुऔषध मुद्दा शिर्षकमा मुद्धा दर्तागरी थप अनुसन्धान कार्य भइरहेको प्रहरी नायव उपरीक्षक प्रतीक विष्टले जनाएका छन् ।