गुडिरहेको बसमा सडकमाथिबाट ढुंगा खस्दा एक यात्रुको मृत्यु, तीन जना घाइते

बैतडी, भदौ २९ (ई-रैवार)

बैतडीमा गुडिरहेको बसमा सडकमाथिबाट ढुंगा खस्दा एक यात्रुको मृत्यु भएको छ । बैतडीको पाटन नगरपालिका–८ झौलेकमा मंगलबार बिहान गुडिरहेको बसमा सडकमाथिबाट ढुंगा खसे पछि एक यात्रुको मृत्यु भएको हो ।

जिल्ला प्रहरी कार्यालयका प्रवक्ता प्रहरी निरीक्षक दर्शन खड्काका अन्सार मृत्यु हुनेमा बझाङको थलारा गाउँपालिका–५ का १८ वर्षीय अर्जुन नेपाली रहेका छन् । उनको घटनास्थलमै मृत्यु भएको प्रवक्ता प्रहरी निरीक्षक खड्काले बताए ।

महेन्द्रनगरबाट बझाङका लागि छुटेको सु.प.प्र.०२००१ ख ११५६ नम्बरको बसमा ढुंगा खसेको प्रवक्ता प्रहरी निरीक्षक खड्काले जानकारी दिए । ढुंगा लागेर अन्य तीन जना घाइते भएको र उनीहरूको डडेल्धुरा अस्पतालमा उपचार भइरहेको प्रहरीले जनाएको छ ।