बाजुरामा जीप दुर्घटना हुँदा १ बालकको मृत्यु, २ जना घाइते

बाजुरा, कार्तिक १६ (ई-रैवार)

जीप दुर्घटना हुँदा १ बालकको मृत्यु भएको छ । दुर्घटनामा परी २ जना घाइते भएका छन् ।

बाजुराको बुढीगंगा नगरपालिका वडा नम्बर ४ को बेलकाट्यामा फालासैनीबाट आइरहेको से १ ज ११८० नम्बर जीप दुर्घटना हुँदा सोही ठाउँका ४ वर्षीय बालक प्रिन्स मिजारको घटनास्थलमै मृत्यु भएको हो ।

जिल्ला प्रहरी कार्यालय बाजुराका अनुसार दुर्घटनामा २ जना घाइते भएका छन् । घाइते हुनेमा बुढीगंगा नगरपालिका वडा नम्बर ४ कै २५ वर्षीय कमलबहादुर नेपाली र २४ वर्षीय निरन्जन नेपाली रहेको प्रहरीले जनाएको छ ।

उनीहरुको स्थानीय मेडिकलमा उपचार भइरहेको छ । जीप र चालक प्रहरी चौकी बार्जुगाड बाजुराले नियन्त्रणमा लिएको छ ।