डेढ लाख मूल्य बराबरका अवैध पटाका बरामद

महेन्द्रनगर, कार्तिक १३ (ई-रैवार) 

कञ्चनपुर प्रहरीले डेढ लाख मूल्य बराबरका अवैध पटाका बरामद गरेको छ । गल्ली नम्बर ५ स्थित चौलानी पुस्तक पसल सञ्चालक दार्चुलाको शैल्यशिखर नगरपालिका–१ का दिनेश खडायतको डेढ लाख मूल्य पर्ने ६ बोरा पटाका जिल्ला प्रहरी कार्यालयले बरामद गरेको हो ।

जिल्ला प्रहरी कार्यालयका प्रवक्ता प्रहरी नायब उपरीक्षक अमरबहादुर थापाले तिहारलाई लक्षित गर्दै महेन्द्रनगरबाट दार्चुला पठाउँदै गरेको अवस्थामा झण्डै डेढ लाख मूल्य पर्ने ६ बोरा पटाका बरामद गरिएको  जानकारी दिएका छन् ।

सु.प.प्र ०२–००१ ख ९४३ नम्बरको बसमा लोड गर्दै गरेको अवस्थामा पटाका बरामद गरिएको र खडायत अहिले फरार रहेको हुदाँ खोजी गर्न प्रहरीको टोली खटाईएको प्रहरी नायब उपरीक्षक थापाले बताए ।