अछाममा धारिलो हतियार प्रहारगरी एक जनाको हत्या, एकजना घाईते

अछाम, कार्तिक ११ (ई-रैवार)

धारिलो हतियारको आक्रमणबाट एक जनाको मृत्यु भएको छ भने एक जना घाईते भएका छन् । अछामको ढकारी गाउँपालिका–३ गढीहाले बजार नजिकै धारिलो हतियार प्रहारगरी अन्दाजी २० वर्षीय देवेन्द्र थापाको हत्या गरिएको हो ।

जिल्ला प्रहरी कार्यालय अछामका अनुसार मृत्यु हुनेमा ढकारी गाउँपालिका— ३ चैतेखालीका २० वर्षीय देवेन्द्र थापा रहेको छन् । उनीसंगै रहेका १५ वर्षीय ईन्द्र थापा घाईते भएका छन् । उनको अवस्था गम्भीर छ ।

हत्यामा संलग्न भएको आशंकामा अछाम प्रहरीले ढकारी गाउँपालिकाकै नरेन्द्रबहादुर बुढालाई पक्राउ गरिएको जनाएको छ । आज बिहान देवेन्द्रको शव तथा उहाँसँगै रुद्र गम्भीरावस्थामा फेला परेका थप उपचारका लागि कोहलपुर पठाइएको प्रहरीले जनाएको छ ।