कञ्चनपुरमा किशोरीमाथि बलात्कार आरोपमा एक युवक पक्राउ

कञ्चनपुर, असोज २१ (ई-रैवार)

किशोरीलाई बलात्कार गरेको आरोपमा एक युवक पक्राउ परेका छन्। कञ्चनपुरको लालझाडी गाउँपालिका–४ डाडाँजाइर्का २० वर्षीय सनिदेवल रानालाई मंगलबार राति प्रहरीले पक्राउ गरेको हो ।

रानालाई असोज १५ गते सोही ठाउँकी १९ वर्षीया किशोरीमाथि जबरजस्ती करणी गरेको उजुरीका आधारमा पक्राउ गरिएको जिल्ला प्रहरी कार्यालय कञ्चनपुरका प्रवत्ता प्रहरी नायव उपरीक्षक अमरबहादुर थापा क्षेत्रीले बताएका छन ।

अहिले रानालाई ईलाका प्रहरी कार्यालय बेलौरीमा राखेर अनुसन्धान भइरहेको प्रवत्ता प्रहरी नायव उपरीक्षक थापाले जानकारी दिएका छन ।