घास काट्न गएका एक युवकको भिरबाट लडेर मृत्यु

डोटी, असोज १२ (ई-रैवार)

घास काट्न गएका एक युवकको भिरबाट लडेर मृत्यु भएको छ । डोटीको आदर्श गाउँपालिका–दहकालिका स्थानमा भिरबाट लडेर २३ वर्षीय मोहन भट्टको मृत्यु भएको हो ।

इलाका प्रहरी कार्यालय मौवानगरदहका अनुसार दहकालिका स्थानको धुरकोट जङ्गलमा दिउँसो घाँस काट्न गएका युवक आइतबार राति अबेरसम्म घर नआएपछि खोजी गर्दा परिवारले मृतावस्थामा भेटाएका हुन् ।

मृतकको शव पोष्टमाटमका लागि जिल्ला अस्पताल सिलगढी ल्याउने तयारी भइरहेको प्रहरीले जनाएको छ । मृतकको टाउको र आँखामा गहिरो चोट लागेको प्रहरीले जनाएको छ ।