नेपाली सेनामा कार्यरत ४० जनामा कोरोना संक्रमण पुष्टि

डोटी, भदौ ३१ (ई-रैवार)

नेपाली सेनामा कार्यरत ४० जनामा कोरोना संक्रमण पुष्टि भएको छ । जिल्ला अस्पताल डोटीको प्रयोगशालामा गरिएको परीक्षणमा ४० नेपाली सेनामा संक्रमण पुष्टि भएको हो ।

दिपायल सिलगढी नगरपालिका–४ सुल्लेकस्थित नेपाली सेनाको गुरुबक्स गणमा कार्यरत ४० जनामा संक्रमण देखिएको स्वास्थ्य कार्यालय डोटीका कार्यालय प्रमुख रमेश मलासीले जानकारी दिएका छन ।

यसअघि पनि नेपाली सेनाका सोही ब्यारेकमा २१ जनामा कोरोना संक्रमणको पुष्टि भएको थियो। संक्रमित सबैजनाको स्वास्थ अवस्था सामान्य रहेको छ ।