डोटी जिल्ला अस्पतालको प्रयोगशालामा थप १२ जनामा कोरोना पुष्टि

डोटी, भदौ २९ (ई-रैवार)

डोटी जिल्ला अस्पतालको प्रयोगशालामा  थप १२ जनामा कोरोना संक्रमण पुष्टि भएको छ। अस्पतालका प्रयोगशाला इन्चार्ज शौरभ श्रेष्ठका अनुसार १ सय ४९ जनाको कोरोना परीक्षणमा १२ जनामा संक्रमण पुष्टि भएको हो ।

अस्पतालका प्रयोगशाला इन्चार्ज श्रेष्ठले पछिल्लो २४ घण्टामा १ सय ४९ जनाको कोरोना परीक्षण भएकोमा डोटीका ८  जना  र अछामका ३ जनामा संक्रमण पुष्टि भएको हो। डोटीको केआइसिंह गाउँपालीकाका ६ जना पुरुष, २ जना महिला र अछामको चौरपाटीका ३ पुरुष र तुर्माखादका १ पुरुष जनामा संक्रमण पुष्टी भएको हो ।