निषेधाज्ञाको समयमा कालोबजारी गर्ने व्यापारीलाई २० हजार जरिवाना 

धनगढी, भदौ २२ (ई-रैवार) 

निषेधाज्ञाको समयमा कालोबजारी गर्ने एक व्यापारीलाई कारवाही गरिएको छ। धनगढी उपमहानगरपालिका वडा नम्बर ७ मा दिनेश फ्रेस हाउसले तोकिएको शुल्क भन्दा बढि मूल्यमा बोईलरको मासु बिक्रि गरी कालोबजारी गर्ने व्यापारीलाई कारवाही गरिएको हो।

वाणिज्य आपुर्ति तथा उपभोक्ता संरक्षण कार्यालयले धनगढी उपमहानगरपालिका वडा नम्बर ७ मा गोपाल चौधरीले सञ्चालन गर्दै आएको दिनेश फ्रेस हाउसले तोकिएको शुल्क भन्दा बढि मूल्यमा बोईलर कुखुराको मासु बिक्रि गरी कालोबजारी गरेको भेटिएका कारण कारवाही गरिएको जनाएको छ ।

निषेधाज्ञाको समयमा दिनेश फ्रेस हाउस नाममा चौधरीले पसल दर्ता नै नगरी व्यवसाय गर्दै कालोबजारी गरेको भेटिएपछि २० हजार रुपया जरिवाना गरिएको वाणिज्य आपुर्ति कार्यालयका निमित्त प्रमुख कमल पुनले जानकारी दिएका छन ।