मोटरसाइकलको ठक्करबाट एक जनाको मृत्यु

कञ्चनपुर, भदौ १६  (ई-रैवार)

मोटरसाइकलको ठक्करबाट एकजनाको मृत्यु भएको छ। कञ्चनपुरको पूर्वपश्चिम राजमार्ग अन्तरगत दैजीमा सु.प. ०२–००३ प ३४८५ नम्वरको मोटरसाइकलले ठक्कर दिदा साईकल यात्रीको मृत्यु भएको हो ।

जिल्ला प्रहरी कार्यालय कञ्चनपुरका प्रहरी नायव उपरिक्षक अमरवहादुर थापाक्षेत्रीका अनुसार बेदकोट नगरपालिका वडा नम्वर १० का ३७ बर्षीय धने पार्कीको मृत्यु भएको हो । मोटरसाइकल चालक लालझाँडी गाउँपालिका वडा नम्वर ४ का ३० बार्षीय दिलेन्द्र पन्त पनि घाईते भएका छन् ।

जिल्ला प्रहरी कार्यालय कञ्चनपुरका प्रहरी नायव उपरिक्षक थापाक्षेत्रीले घाइते पन्तको धनगढीको माया मेट्रो अस्पतालमा उपचार भईरहेको जानकारी दिएका छन । दुर्घटनाको कारण भने खुल्न सकेको छैन्।