सेती प्रादेशिक अस्पतालको प्रयोगशालामा थप ४० जनामा कोरोना संक्रमण पुष्टि

धनगढी, भदौ १४ (ई-रैवार)

सेती प्रादेशिक अस्पताल प्रयोगशालामा पछिल्लो २४ घण्टामा थप ४० जनामा कोरोना संक्रमण पुष्टि भएको छ। प्रयोगशालामा पछिल्लो २४ घण्टामा ५ सय ८५ जनाको परीक्षण गर्दा ४० जनामा संक्रमण पुष्टि भएको हो ।

सेती प्रादेशिक अस्पतालका सूचना अधिकारी दिलिपकुमार श्रेष्ठका अनुसार अछामको तुर्माखाद गाउँपालिकाका १२ जना, अछामकै रामारोशन गाउँपालिकाका ६ जनामा र कैलालीको धनगढी उपमहानगरपालिकाका १० जना कोरोना पुष्टि भएको छ ।

कैलालीको गोदावरी नगरपालिकाका २ जना, जोशीपुर गाउँपालिकाका २ जना र कैलारी गाउँपालिकामा १ जनामा पनि कोरोना पुष्टि भएको सूचना अधिकारी श्रेष्ठले बताएका छन ।

यसैगरी कञ्चनपुरको भीमदत्त नगरपालिकाका ५ जना र वेदकोट नगरपालिकाका २ जनामा संक्रमण पुष्टि भएको छ ।