युवतीको नाममा फेसबुक खोली ब्ल्याकमेलिङ गर्ने युवक पक्राउ

काठमाडौं, १२ भदौ  (ई-रैवार)

युवतीको नाममा फेसबुक खोलेर ब्ल्याकमेलिङ गर्ने कैलालीका एक युवक पक्राउ परेका छन् । मोहन्याल गाँउपालिका वडा नम्बर ३ का २७ वर्षीय धनबहादुर शाहीलाई प्रहरीले काठमाडौँबाट महानगरीय अपराध महाशाखाको टोलीले पक्राउ गरेको हो ।

अस्मिता श्रेष्ठको नामको नक्कली फेसबुक आईडी खोलेर ब्ल्याकमेलिङ गर्दै आएका शाहीलाई महानगरीय अपराध महाशाखाको टोलीले पक्राउ गरिएको महाशाखाका प्रवक्ता एसपी ईश्वर कार्कीले बताएका छन ।

प्रवक्ता एसपी कार्कीले शाहीले सुन्दर युवतीको तस्बिर राखेर केटी बनेर केटाहरुसँग कुरा गर्दै उनीहरुलाई फसाउँदै आएका थिए । उनले गफगाफका क्रममा अश्लिल फोटोहरु मागेर ब्ल्याकमेलिङ गर्ने गरेको खुलेको भएपनि नियन्त्रणमा राखेर अनुसन्धान भईरहेको प्रहरीले जनाएको छ ।