डोटीमा आईतबारबाट निषेधाज्ञा जारी गरिने

डोटी भदौ १२(ई-रैवार)
डोटीमा आगामी आईतबारदेखी(भदौ १४ गते) यही भदौ २१ गतेसम्म एकसाता निषेधाज्ञा लागु गरिने भएको छ । आइतबार राती १२ बजेबाट लागु हुने गरी निषेधाज्ञा लागु गर्ने निर्णय भएको जिल्ला प्रशासन कार्यालय डोटीले जनाएको छ ।
जिल्लाभित्र कोभिड-१९को संक्रमण बढ्दै गएपछि त्यसको शुक्रबार बसेको जिल्ला संकट व्यवस्थापन केन्द्रको बैठकले यस्तो निर्णय गरेको हो ।
निषेधाज्ञाका क्रममा अत्यावश्यकीय सेवा बाहेक अन्य सेवाहरु पूर्ण रुपमा बन्द हुने प्रमूख जिल्ला अधिकारी भीमप्रसाद भट्टराईले जानकारी दिए ।