टी–ट्वान्टी क्रिकेटको वरीयतामा नेपाल १५औं स्थानमा

काठमाडौं, भदौ ११ (ई-रैवार)

अन्तर्राष्ट्रिय क्रिकेट परिषद (आईसीसी) को टी–ट्वान्टी वरीयतामा नेपाल यथावत रहेको छ । आईसीसीले अपडेट गरेको नयाँ वरीयतामा नेपाल यथावत रहन सफल भएको हो ।

नयाँ वरियतामा नेपाल १५औं स्थानमा रहेको छ । यसअघि पनि नेपाल १५औं स्थानमै रहेको थियो । एसोसियट राष्ट्रमा नेपाल भन्दाअघि स्कटल्याण्ड र युएई रहेका छन ।

स्कटल्याण्ड १४ र युएई १३औं स्थानमा रहेका छन् । भने नेपाल एकदिवसीय वरीयतामा १६औं स्थानमा रहेको छ ।

टी–ट्वान्टी वरियताको शीर्ष स्थानमा अष्ट्रेलिया रहेको छ । त्यस्तै इंग्ल्यान्ड दोस्रो, भारत तेस्रो, पाकिस्तान चौंथो र दक्षिण अफ्रिका पाँचौ स्थानमा रहेका छन् ।

एजेन्सी