कोरोना संक्रमणबाट कैलालीमा थप एकजनाको मृत्यु

धनगढी, भदौ ९ (ई-रैवार) 

कैलालीमा ९ दिनअघि मृत्यु भएका पुरुषमा कोरोना पुष्टि भएको छ। बर्दगोरीयामा गाउँपालिका वडा नम्वर ५ का ४९ वर्षीय पुरुषमा मृत्युपछि कोरोना पुष्टि भएको हो ।

जिल्ला स्वास्थ्य कार्यालय कैलालीका निमित्त प्रमुख लालवहादुर धामीले आज डडेल्धुरा प्रयोगशालामा भएको परीक्षणमा मृतकमा कोरोना पुष्टि भएको बताएका छन । भदौ १ गते ४९ वर्षीय पुरुषको मृत्यु भएको थियो,’ उनले भने, ‘उनलाई झाडापखाला पनि लागेको थियो। सुरुमा परीक्षणका लागि धनगढी स्वाब पठाइएको थियो भने त्यहाँ चाप बढि भएपछि डडेल्धुरा पठाइएको थियो। आज कोरोना पुष्टि भएको छ।’

यो संगै सुदूरपश्चिम प्रदेशमा कोरोना संक्रमणबाट मृत्युको संख्या १३ पुगेको छ ।