भारतमा एकैदिन ६८ हजार बढीमा कोरोना संक्रमण, ज्यान गुमाउनेको संख्या ५५ हजार नजिक

काठमाडौं, भदौ ६ (ई-रैवार)

भारतमा पछिल्लो २४ घण्टामा ६८ हजार ८ सय ९८ जनामा कोरोना संक्रमण देखिएको छ । हाल सम्म कोरोना संक्रमितको संख्या २९ लाख ५ हजार ८ सय २३ पुगेको छ ।

बिहीबार भारतमा एकैदिन ६९ हजार ६ सय ५२ संक्रमित थपिएका थिए । भारतमा एकैदिन यतिधेरै कोरोना संक्रमित थपिएको यो पहिलोपटक थियो ।

पछिल्लो २४ घण्टामा भारतमा ९ सय ८३ कोरोना संक्रमितको मृत्यु भएको छ । भारतमा कोरोनाका कारण ज्यान गुमाउने संख्या ५४ हजार ८ सय ४९ पुगेको विश्व स्वास्थ्य संगठनले जनाएको छ ।

भारत विश्वमा धेरै कोरोना संक्रमित हुने देशको सूचिमा छ । अमेरिका र ब्राजिलपछि तेस्रो स्थानमा छ । भारतमा लकडाउन अन्त्य भएसँगै कोरोना संक्रमण तीव्र रुपमा बढिरेको छ ।