अबैध काठसहित दुई जना पक्राउ

कैलाली, साउन  ३२ (ई-रैवार)

अबैध काठसहित २ जनालाई प्रहरीले पक्राउ गरेको छ । धनगढी उप–महानगरपालिका वडा नम्बर ११ बेलाका नन्दलाल राना र मुन्ना चौधरी पक्राउ हुन्।

जिल्ला प्रहरी कार्यालय कैलालीका प्रहरी नायव उपरक्षिक प्रतिक विष्टका अनुसार आइतबार रानालाई से २ प १५२५ नम्बरको मोटरसाईकल र १४ थान सालको झ्याल सहित पक्राउ गरिएको हुन ।

सोहि ठाउँका ३६ वर्षका चौधरीलाई गोदावरी नगरपालिका वडा नम्बर ९ बाट तीन गोलिया सालको काठ सहित पक्राउ गरिएको छ । ३ गोलिया काठ, गोरुगाडा र उनलाई प्रहरीले डिभिजन वन कार्यालय धनगढीलाई बुझाएको छ ।

गोदावरी नगरपालीका वडा नम्बर ९ को सिद्दार्थ फर्निचर उद्योगका संचालक जगतराम चौधरीको घरबाट समेत काठ बरामद गरिएको छ। उनको घरबाट सिसमका ८१ थन कडी, ९१ थन फ्रेम, १६ थान सालको कडी र २२ थान सालको फ्रेम समेत बरामद गरिएको छ। उनी भने फरार रहेको प्रहरीले जनाएको छ।