कोरोना संक्रमितको संख्या विश्वभर दुई करोड सात लाख नाघ्यो

काठमाण्डौं, साउन  ३१ (ई-रैवार)

महामारीका रुपमा फैलिएको कोरोना भाइरसबाट विश्वभर संक्रमितको संख्या विश्वमा दुई करोड सात लाख नाघेको छ । विश्व स्वास्थ्य संगठन (डब्लूएचओ) का अनुसार हालसम्म विश्वमा कोरोना संक्रमितको संख्या दुई करोड सात लाख ३० हजार चार सय ५६ पुगेको हो ।

कोरोनाका कारण विश्वमा हालसम्म ज्यान गुमाउनेको संख्या सात लाख ५१ हजार एक सय ५४ पुगेको छ । सबैभन्दा धेरै कोरोना संक्रमित हुने देशको सूचिमा पहिलो नम्बरमा अमेरिका छ भने दोस्रो स्थानमा ब्राजिल छ ।

अमेरिकामा संक्रमतिको संख्या ५१ लाख ५० हजार चार सय सात र ब्राजिलमा ३१ लाख ६४ हजार सात सय ८५ पुगेको डब्लूएचओले जनाएको छ । चीनको वुहानबाट सुरु भएको कोरोना भाइरसको संक्रमण विश्वका दुई सय १६ देशमा फैलिसकेको छ ।