डोटेली फिल्म नन्दीको पोष्टर सार्वजनिक

धनगढी, साउन २३ (ई-रैवार)

डोटेली चलचित्र नन्दीको पोष्टर सार्वजनिक भएको छ । मञ्चिय नाटक र म्युजिक भिडियोबाट चलचित्र क्षेत्रमा प्रवेश गरेका डोटेली नायक बोग्टानी किङको लगानीमा निर्माण थालिएको डोटेली चलचित्र नन्दीको पोष्टर सार्वजनिक भएको हो ।

शुक्रबार दिउँसो सार्वजनिक भएको पोष्टरमा भिलेनलाई लखेट्दै गरेको दृश्य राखिएको छ । सिएस फिल्मस् प्रालिको व्यानरमा निर्माण गरिएको चलचित्र नन्दीको यसअघि टिचर सार्वजनिक भइसकेको थियो ।

यसैगरी सुदूरपश्चिमको मौलिक पर्व ओल्केको अवसर पारेर नन्दी चलचित्रको ट्रेलर सार्वजनिक गरिने भएको डोटेली चलचित्र नन्दीका नायक बोग्टानी किङले बताएका छन । यस अघी सार्बजनिक भएको नन्दी फिल्मको ‘ओ साईवउ’ बोलको गितले समेत निकै चर्चा पाईसकेको छ ।