कोरोना संक्रमणबाट थप एकको मृत्यु, मृत्यु हुनेको संख्या ५६ पुग्यो

 काठमाडौं, साउन १६ (ई-रैवार)

एक ६५ वर्षीया कोरोना संक्रमित महिलाको मृत्यु भएको छ । ललितपुरस्थित पाटन अस्पतालमा उपचाररत ६५ वर्षीया कोरोना संक्रमित महिलाको मृत्यु भएको हो ।

आईसीयूमा उपचाररत उनको शुक्रबार बिहान ९ :  १५ बजे मृत्यु भएको जिल्ला स्वास्थ्य कार्यालय ललितपुरका प्रमुख डा. खगेश्वर गेलाले बताए ।

प्रमुख डा. खगेश्वर गेलाका अनुसार ललितपुर थसिखेलका बासिन्दाले उनलाई साउन ६ गते अस्पताल भर्ना गरिएको थियो । तर हालसालै वीरगञ्जबाट आएकी थिइन् । स्टार अस्पतालमा कोरोना संक्रमण पुष्टि भएपछि पाटन अस्पताल सारिएको थियो ।

बिहीबार मात्र वीरगन्जमा तीन जना कोरोना संक्रमितको उपचारका क्रममा मृत्यु भएको थियो । यो सँगै नेपालमा कोरोनाबाट मृत्यु हुनेको संख्या ५६ पुगेको छ ।