नेकपा बैठक साउन ४ गते सम्मका लागि स्थगित

काठमाडौं, साउन २ (ई-रैवार)

नेकपाको स्थायी समिति बैठक फेरि स्थगित भएको छ । नेकपा अध्यक्ष केपी ओली केन्द्रीय कमिटिको बैठक बोलाउन पनि तयार नभएपछि नेकपाको स्थायी समिति बैठक फेरि स्थगित भएको हो ।

आज ११ बजेका लागि बोलाएर दिउँसो ३ बजेसम्मका लागि स्थगित भएको बैठक फेरि साउन ४ अर्थात आइतबारसम्मका लागि स्थगित गरिएको छ ।

प्रधानमन्त्रीका प्रेस सल्लाहकार सूर्य थापाले बैठक साउन ४ गते दिउँसो ३ बजे बस्ने गरी स्थगित भएको जानकारी दिए ।

नेकपा भित्रको विवाद कायमै रहेको र सहमतिका लागि थप समय आवश्यक भएकाले बैठक स्थगित गरिएको नेताहरुले बताएका छन । आजै ओली र अर्का अध्यक्ष पुष्पकमल दाहालका बीच बालुवाटारमा छलफल भएको थियो ।