युवा नेता कोलीले दिए अति विपन्न चार परिवारलाई राहत

सिलगढी जेठ ८(ई-रैवार)

नेपाल तरूण दल डोटीका क्षेत्रीय सह-सचिव रोशन कोलीले विपन्न चार परिवारलाई राहत बितरण गरेका छन् । दिपायल सिलगढी नगरपालिका-५ बागठाँटाका अति बिपन्न चारवटा परिवारमा दैनिक गुजारा चल्न छाडेपछि उनले तत्कालको अवस्थालाई टार्न सहयोग गरेका हुन् ।

‘मेरो अवस्था पनि धेरै राम्रो त होईन,’उनले भने,’तर उहाँहरू भोकभोकै रहेको देखेपछि तत्कालको अवस्था गुजार्न सहयोग गरेको हु ।’ प्रतिपरिवार २५ किलो चामल उपलब्ध गराएको उनले बताए ।

उनि सितेरियो कराँते खेलाडी समेत हुन ।