नेपालगञ्जमा थप नौ जनामा संक्रमण, वीरगञ्जमा एक

धनगढी वैशाख २१(ई-रैवार)
आइतबार थप १० जनामा कोभिड १९ देखिएको छ। १० जना सहित नेपालमा कोरोना संक्रमितको संख्या ६९ पुगेको छ। संक्रमित हुनेहरुमा पर्साको वीरगञ्जका ३६ वर्षीय युवक र वाँकी ९ जना नेपालगञ्जका रहेका छन्। वाँकेमा संक्रमित हुनेहरुमा ७ देखि ५८ वर्षभित्रका छन्। उनीहरुको परीक्षण राष्ट्रिय जनस्वास्थ्य प्रयोगशालामा भएको थियो।
स्वास्थ्य तथा जनसंख्या मन्त्रालयका प्रवक्ता डा. विकास देवकोटाका अनुसार संक्रमित मध्ये ५ पुरुष र ४ जना महिला छन्। यसअघि नेपालगञ्जमा एक जनामा संक्रमण देखिएको थियो।