बहराइनमा नौजना नेपाली कामदारमा कोरोना संक्रमण

काठमाण्डौँ चैत्र २२(ई-रैवार)

बहराइनमा कार्यरत नेपाली नौजना कामदारमा नोवेल कोरोना भाइरस (कोभिड–१९) को संक्रमण देखिएको छ । यसअघिपनि बहराइनमा तीनजना जना नेपालीमा कोरोना देखिएको थियो ।
बहराइनस्थित नेपाली दूतावासका अनुसार एउटै क्याम्पमा बसेका कामदारमा कोरोना पोजिटिभ देखिएको हो । उनीहरुको अवस्था स्थिर छ । त्यस क्याम्पमा अझै कति नेपाली छन् भन्ने खुलेको छैन ।
बहराइनको स्वास्थ्य मन्त्रालय अनुसार शुक्रबारसम्म १२ नेपाली सहित २ सय ८६ जनाको उपचार भइरहेको छ । ३ सय ८२ जना भने निको भएर अस्पतालबाट घर वा क्याम्प फर्किसकेका छन् । ४ जनाको मृत्यु भएको छ । हालसम्म ३७ हजार ९ सय ९६ जनाको स्वास्थ्य परीक्षण भइसकेको छ।