कोरोना संक्रमणः मृतक ५० हजार बढी, संक्रमित करिब १० लाख

धनगढी चैत्र २०(ई-रैवार)
नोवेल कोरोनाभाईरस(कोभिड–१९)को संक्रमणबाट मृत्यु हुनेको संख्या ५० हजार नाघेको छ । विहिबार रातीसम्मको तथ्यांकअनुसार मृतकको संख्या ५० हजार तीनसय नाघेको विश्व स्वास्थ्य संगठन(डब्लुएचओ)ले जनाएको छ ।
यस्तै करिब ९ लाख ८३ हजार भन्दा बढीमा यसको संक्रमण पुष्टी भईसकेको छ ।
हालसम्म मृत्यु हुने सबैभन्दा बढी ईटालीमा १३ हजार नौ सय १५ जना छन् भने संक्रमित संयुक्त राज्य अमेरिकामा दुईलाख २८ हजार पाँचसयको हाराहारीमा छन् । ईटालीपछि मृतकको संख्या स्पेनमा छ । जहाँ हालसम्म १० हजारबढीले ज्यान गुमाईसकेका छन् । यस्तै अमेरिकामा पाँचहजार तीनसयबढीले ज्यान गुमाउदा फ्रान्समा चारहजार, चीनमा तीनहजार तीनसय भन्दा बढीको मृत्यु भएको छ ।
यसको संक्रमण भएका हालसम्म दुईलाख छ हजारभन्दा बढी निको भएर घर फर्किसकेका छन् ।