ब्राउनसुगरको कारोबारमा संलग्नको आरोपमा पाँचजना पक्राउ

धनगढी पुस २१(ई-रैवार)
ब्राउन सुगर (लागूऔषध)को कारोबारमा संलग्न भएकोआरोपमा धनगढीबाट पाँचजना पक्राउ परेका छन् । १ महिलासहित पाँचजनालाई प्रहरीले पक्राउ गरेको हो ।
धनगढी उप–महानगरपालिका–१ का २२ वर्षीय समिर घिमिरे, २६ वर्षीय सौगात बोन सिजापती, २३ वर्षीय रोहित नेपाली, ३० वर्षीय रोशन सिंह र २० वर्षीया अस्मि ढुङ्गानालाई पक्राउ गरिएको प्रहरीले जनाएको छ ।
उनीहरुलाई प्रहरी टोलीले धनगढी उपमहानगरपालिका–१ बाट पक्राउ गरेको जिल्ला प्रहरी कार्यालय कैलालीले जनाएको छ ।
प्रहरीले उनीहरूको साथबाट ब्राउन सुगरलगायत लागूऔषध बरामद गरेको जनाएको छ ।