कैलारी गाउँपालिकामा १५ शय्याको अस्पताल सञ्चालनमा आयो
धनगढी । कैलारी गाउँपालिकामा १५ शय्याको अस्पताल सञ्चालनमा आएको छ । कैलारी –५ बैजपुरमा निर्माण गरिएको १५ शय्याको अस्पताल बुधबार उद्घाटन गरे संगै सञ्चालनमा आएको हो ।
अस्पतालको एक कार्यक्रमकाबीच कैलारी गाउँपालिकाका अध्यक्ष राजसमझ चौधरीले उद्घाटन गरेका थिए । सङ्घीय सरकारको १८ करोड ५२ लाख रुपैयाँ लगानीमा निर्माण गरिएको उक्त अस्पताल असारमा गाउँपालिकालाई हस्तान्तरण गरेको थियो ।
सङ्घीय सरकारको स्थानीय तहमा अस्पताल निर्माण गर्ने नीतिअनुसार कैलारी गाउँपालिकामा पनि १५ शय्याको अस्पताल निर्माण गरिएको हो ।
अस्पताल सञ्चालनमा आएपछि कैलारी गाउँपालिकाको विशेषगरी दक्षिणी क्षेत्रका नागरिकले स्वास्थ्य उपचारका लागि टाढा जानुपर्ने बाध्यता अन्त्य हुने अपेक्षा गरिएको छ ।
यसअघि गाउँपालिकामा पर्याप्त स्वास्थ्य उपचारको व्यवस्था नहुँदा सामान्य स्वास्थ्य समस्या देखिँदासमेत स्थानीयवासी उपचारका लागि धनगढी पुग्ने गरेका थिए ।
स्थानीयस्तरमै १५ शय्याको अस्पताल सञ्चालनमा आएपछि सामान्यदेखि आवश्यक स्वास्थ्य उपचारसम्म गाउँमै उपलब्ध हुने र उपचारका लागि धनगढी तथा भारत जानुपर्ने बाध्यता कम हुने अपेक्षा गरिएको छ ।
गाउँपालिकामा १५ शय्याको अस्पताल सञ्चालनमा भएसँगै अस्पतालबाट OPD सेवा, ल्याब सेवा, फार्मेसी सेवा, X-ray सेवा, ECG सेवा, प.नि. सेवा, खोप लगायतको स्वास्थ्य सेवा सुचारु भएको स्वास्थ्य प्रमुख नरेश चौधरीले जानकारी दिए ।
कार्यक्रममा विभिन्न राजनीतिक दलका प्रतिनिधी, बरघर भलमन्सा, कर्मचारी, स्वाथ्यकर्मी लगायत स्थानीयको उपस्थिति रहेको थियो ।
- कर्मचारीको नयाँ तलबमान स्वीकृत : न्यूनतम तलब २९ हजारदेखि ९० हजार नाघ्यो
- शिक्षकहरूको नयाँ तलबमान सार्वजनिक, कुन श्रेणीका शिक्षकको तलब कति ?
- कक्षा १२ को पूरक परीक्षाको नतिजा सार्वजनिक
- कांग्रेस आधिकारिकता विवाद- देउवाको निवेदनले निस्सा पायो, सर्वोच्चले सुरुदेखि सुनुवाइ गर्ने
- निर्मला पन्तबारे प्रश्न सोध्ने सांसदलाई गृहमन्त्रीले गरे प्रतिप्रश्न- हजुरहरू सत्तामा हुँदा किन गर्नुभएन ?
प्रतिकृया दिनुहोस्