डडेल्धुरामा जीप दुर्घटना, एकको मृत्यू

डडेल्धुरा भदौ ११(ई-रैवार): डडेल्धुरामा जीप दुर्घटना हुँदा एकजनाको मृत्यू भएको छ । देवलदिव्यपुरबाट जिल्ला सदरमूकाम आउदै गरेको म १ ज २१० नम्बरको जिप भागेश्वर गाउँपालिका–४ सेरागाडमा बुधबार बिहान १० बजेतिर दुर्घटना भएको हो ।
दुर्घटनामा परी बैतडीको पाटन नगरपालिका वडा–७ का ६५ वर्षीया मानमती चन्दको घटनास्थलमै मृत्यु भएको जिल्ला प्रहरी कार्यालय डडेल्धुराले जनाएको छ ।
दुर्घटनामा तीनजना सामान्य घाइते रहेका र अन्य सकुशल रहेको प्रहरीले जनाएको छ । घाइते तीनै जनालाई उपचारका लागि डडेल्धुरा अस्पताल ल्याईरहेकोे प्रहरी नायब उपरीक्षक दधिराम न्यौपानेले जानकारी दिए ।