मदन पुरस्कारका लागि अग्नि सहित उत्कृष्ट आठ पुस्तक सार्वजनिक

काठमाडौं : मदन पुरस्कारका लागि अग्नि सहित उत्कृष्ट आठ पुस्तक सार्वजनिक भएका छन् । मदन पुरस्कार गुठीको निर्णायक समितिले आज मदन पुरस्कारका लागि २०७८ को सूचीमा उत्कृष्ट आठ पुस्तक सार्वजनिक गरेको हो ।

डा. नवराज लम्सालको अग्नि, दामोदर पुडासैनीको नीलो बतास, बसन्त बस्नेतको महाभारा, दिपा मेवाहाङराईको यादको सन्दुक, डा. नयनाथ पौडेलको लिच्छवि लिपि, प्रा. नीलमणि ढुङ्गानाको संस्कृत–नेपाली शब्दकोश, सुजित मैनालीको सती, पद्मसुन्दर जोशीको हिति प्रणाली छानिएको मदन पुस्तकालयले जनाएको छ ।

मदन पुस्तकालयका कुन्द दीक्षितले प्राप्त २९९ पुस्तकबाट ८ वटा छानिएको बताएका छन् । यी मध्ये एकलाई २०७८ को मदन पुरस्कार बितरण गरिनेछ ।