भोटेकोशी बाढी अपडेट : १,४३४ शव भेटिए, ४,६५५ अझै बेपत्ता

काठमाडौँ । भोटेकोशी बाढीमा परी ज्यान गुमाएकामध्ये हालसम्म १ हजार ४३४ जनाको शव फेला परेको छ। नेपाल प्रहरीका अनुसार बाढी प्रभावित विभिन्न जिल्लामा खोजी तथा उद्धारका क्रममा ती शव फेला परेका हुन्।

प्रहरीका अनुसार रसुवामा २२३, नुवाकोटमा २०३, धादिङमा ७२, चितवनमा ३६५, गोरखामा ७९, तनहुँमा ३८, नवलपरासी पूर्वमा २३२ र नवलपरासी पश्चिममा २२२ शव फेला परेका छन्।

फेला परेका शवको पहिचानका लागि प्रहरीले मृतकका १ हजार २८६ र आफन्तका १ हजार ९९७ गरी कुल ३ हजार २८३ वटा डिएनए नमूना संकलन गरेको जनाएको छ।

प्रहरीका अनुसार हालसम्म १ हजार २९२ शवको व्यवस्थापन भइसकेको छ। पहिचान हुन नसकेका १ हजार ३६२ शवको विवरण प्रहरीको वेबसाइटमा सार्वजनिक गरिएको छ।

बाढी प्रभावित क्षेत्रमा खोजी, उद्धार, राहत वितरण तथा शव व्यवस्थापनका लागि हालसम्म ७ हजार ९७५ प्रहरी परिचालन गरिएको छ।

प्रहरीका अनुसार बाढीपछि अझै ४ हजार ६५५ जना बेपत्ता छन्। उनीहरूको खोजी कार्य विभिन्न प्रभावित क्षेत्रमा जारी रहेको प्रहरीले जनाएको छ।

शव पहिचान तथा बेपत्ताको खोजीलाई तीव्रता दिन सुरक्षा निकायले प्रभावित जिल्लामा खोज तथा उद्धार अभियान निरन्तर सञ्चालन गरिरहेको छ।