युवा तथा खेलकुद मन्त्रालयलाई २ अर्ब ४६ करोड बजेट विनियोजन

काठमाडौं : सरकारले युवा तथा खेलकुद मन्त्रालयका लागि आगामी आर्थिक वर्षका लागि २ अर्ब ४६ करोड रुपैयाँ विनियोजन गरेको छ ।

आइतबार संघीय संसद्को दुवै सदनको संयुक्त बैठकमा आर्थिक वर्ष २०७९/८० को बजेट प्रस्तुत गर्दै अर्थमन्त्री जनार्दन शर्माले सो कुराको जानकारी दिएका हुन् ।

उनले एसियाली र ओलम्पिक प्रतियोगितामा पदक विजेता नेपाली खेलाडीका लागि आजीवन मासिक जीवन वृत्तिको प्रवन्ध गरिएको पनि जनाए । उनले खेलकुद संघलाई दिएको अनुदान वृद्धि गरिएको बताए ।

मन्त्री शर्माले राष्ट्रिय खेलकुद परिषद् (राखेप)का लागि मात्र २ अर्ब ९ करोड रकम विनियोजन गरेको बताएका छन् ।