बझाङमा जीप दुर्घटना : एकजनाको मृत्यु, आठ जना घाइते

बझाङ : बझाङमा जीप दुर्घटना हुँदा एकजनाको मृत्यु भएको छ । आठजना घाइते छन् । बझाङको बित्थडचिर गाउँपालिका–४, देउलेख बजारनजिक जीप दुर्घटना हुँदा एकजनाको मृत्यु भएको हो ।

प्रहरीका अनुसार जीपमा सवार सुर्मा गाउँपालिका–१ का २७ वर्षीय विनोद बोहोराको मृत्यु भएको हो । दुर्घटनामा गम्भीर घाइते भएका उनको उपचारका क्रममा देउलेखस्थित प्राथमिक स्वास्थ्य केन्द्रमा मृत्यु भएको जनाइएको छ ।

आठजना घाइतेमध्ये सातजनाको स्थानीय अस्पतामा उपचार भइरहेको छ । एकजनालाई उपचारका लागि धनगढी पठाइएको छ ।

बझाङको चैनपुरबाट कैलालीको धनगढीतर्फ आउँदै गरेको सुदूरपश्चिम प्रदेश ०१–००१ च ००९५ नम्बरको जीप गए राति करिब साढे १२ बजे अनियन्त्रित भई सडकबाट अन्दाजी ५० मिटर तल खसेको थियो ।