बाजुरामा निषेधाज्ञा जेठ २१ गतेसम्मका लागि थपियो

बाजुरा, जेठ १४ (ई-रैवार)

बाजुरामा निषेधाज्ञाको अवधि जेठ २१ गते सम्मका लागि थप गरिएको छ।  बाजुरामा कोरोना सङ्क्रमितको सङ्ख्या बढ्दै गएपछि निषेधाज्ञाको अवधि आगामी जेठ २१ गते सम्मका लागि थप गरिएको हो ।

जिल्ला कोभिड–१९ संकट व्यवस्थापन केन्द्र बाजुराको बिहीबार बसेको बैठकले आगामी जेठ २१ गतेसम्मका लागि निषेधाज्ञाको अवधि थप गरेको जिल्ला प्रशासन कार्यालय बाजुराले जनाएको  छ।

जिल्लामा गत २४ घण्टामा कोरोना २१ जनामा कोरोना पुष्टि भएसँगै बाजुरामा सङ्क्रमितको सङ्ख्या ४ सय ६२ पुगेको छ।