डोटीमा थप ५ जनामा कोरोना संक्रमण पुष्टि, हालसम्म ११ सय १० जनामा कोरोना संक्रमण

डोटी, असोज २२ (ई-रैवार)

जिल्ला अस्पताल डडेल्धुराको प्रयोगशालामा गरिएको परिक्षणमा आज थप डोटीका ५ जनामा कोरोना संक्रमण पुष्टि भएको छ ।

स्वास्थ्य कार्यालय डोटीका अनुसार कोरोना संक्रमित पुष्टि हुनेमा बोगटान फुड्सिल गाउँपालिका वडा नम्बर ७ चवराचौतारा ३ बषिया बालिका सहित ३ जना, वडा नम्बर १ सिमचौरका १ जना गरी ४ जना र दिपायल सिलगढी नगरपालिका वडा नम्बर ९ कलेनाका १ जना जनामा कोरोना संक्रमित क्रमण पुष्टि भएको हो ।

स्वास्थ्य कार्यालय डोटीले डोटी जिल्लामा हालसम्म १ हजार १ सय १० जनामा कोरोना संक्रमण पुष्टि भएको बताएको छ । भने संक्रिय संक्रमित १ सय ७ जना रहेका छन ।