नेपाल क्रिकेट संघका अध्यक्ष चन्दलाई कोरोना संक्रमण

काठमाडौं, असोज १५ (ई-रैवार) 

नेपाल क्रिकेट संघ (क्यान) का अध्यक्ष चतुरबहादुर चन्दलाई कोरोना संक्रमण देखिएको छ । स्वास्थ्यमा समस्या देखिएपछि अध्यक्ष चन्दले कोरोनाको परीक्षण गराएपछी उनमा संक्रमण पुष्टि भएको हो ।

चन्दभन्दा अगाडि क्यानका सचिव अशोकनाथ प्याकुरेललाई कोरोना भाइरसको संक्रमण देखिएको क्यानका एक पदाधिकारीले बताए ।

अध्यक्ष चन्द राजधानीको एक होटेलमा आइसोलेसनमा छन् भने सचिव प्याकुरेल होम आइसोलेसनमा रहेको उनले बताए ।

असोज ६ गते चितवनमा बसेको क्यान बोर्ड बैठकपछि काठमाडौं आएका अधिकाशं सदस्यहरुले कोरोना जाँच गराएका थिए । तर, कति जनालाई देखियो भन्नेबारे भने यकिन छैन । यो खबर खबरहवले प्रकाशित गरेको छ ।