पाँच दिनसम्म बन्धक बनाएर किशोरीमाथि सामूहिक बलात्कार

कञ्चनपुर, भदौ २३ (ई-रैवार) 

पाँच दिनसम्म बन्धक बनाएर एक किशोरीमाथि सामूहिक बलात्कार भएको छ । कञ्चनपुरमा १६ वर्षीया किशोरीमाथि पाँच दिनसम्म बन्धक बनाएर सामूहिक बलात्कार भएको हो ।

जिल्लाको बेल्डाँडी गाउँपालिकाबाट ५ दिनदेखि वेपत्ता किशोरीमाथि स्थानीय युवाले बलात्कार गरेको आरोप लागेको जिल्ला प्रहरी कार्यालय कञ्चनपुले जनाएको छ ।

कञ्चनपुरका प्रहरी नायव उपरिक्षक अमरवहादुर थापाले पीडित पक्षले घटना बारे जानकारी दिएकोले उजुरी दर्ता गरी थप अनुसन्धान भईरहेको बताएका छन् ।

प्रहरी नायव उपरिक्षक थापाका अनुसार पाँच जना युवाले पाँच दिनसम्म बन्धक बनाएर सामूहिक बलात्कार गरेको पीडित पक्षले बताएका छन् । उनले किशोरीलाई स्वास्थ्य परीक्षणका लागि माहाकाली अस्पतालमा पठाइएको जानकारी दिएका छन ।