आमालाई जबरजस्ती करणी आरोपमा छोरा पक्राउ

कञ्चनपुर, भदौ १९ (ई-रैवार) 

आमालाई जबरजस्ती करणी गरेको आरोपमा एक युवक पक्राउ परेका छन । जिल्ला प्रहरी कार्यालय कञ्चनपुरले आफ्नै आमालाई जबरजस्ती करणी गरेको आरोपमा एक युवक पक्राउ गरेको हो ।

जिल्ला प्रहरी कार्यालय कञ्चनपुरले कृष्णपुर नगरपालिकामा ५८ बर्षिया बृद्ध आमाले छोरा बिरुद्ध उजुरी दायर गरेपछि कृष्णपुर नगरपालिकावाट ३० वर्षीय छोरालाई पक्राउ गरेको प्रहरी प्रवक्ता अमर बहादुर थापाले बताएका छन ।

प्रहरी प्रवक्ता थापाले बुधबार पक्राउ गरिएका उनलाई बिहीबार जिल्ला अदालतबाट ५ दिनको म्याद थप गरेर अनुसन्धान भइरहेको बताए ।

भारतमा रहेका उनी पछिल्लो समय कोरोनाका कारणले आफनो गाउँ फर्किएका थिए । छोराले मदिरा सेवन गरेर यौनजन्य हिंसा गर्न थालेपछि छोरा बिरुद्ध आमाले जबरजस्ती करणीमा उजुरी दायर गरेकी थिईन ।