बर्षौ देखि पुल निर्माण नहुदा समस्या झेल्दै आएका स्थानिय, पुल निर्माण भएपछि खुशी

एकेन्द्र चन्द

डोटी, भदौ ११ (ई-रैवार)

बर्षौ देखि पुल निर्माण नहुदा समस्या झेल्दै आएका स्थानिय पुल निर्माणपछि खुशी भएका छ्न । डोटीको पुर्बिचौकी गाउपालिका ७ टिमुरदहका स्थानीय यसपाली भने गण्डी गाडमा पुल निर्माण भएपछि निकै खुशी भएका हुन ।

स्थानीयलाई बर्खा याम सुरु भए पछि गाउँ वारिपारी गर्न र खेतको काम गर्न निकै सकस हुनेगरेको थियो तर यसपाली भने पुल निर्माण भएपछि यहाका स्थानियहरु निकै खुशी भएका छ्न ।

कहिले पुल निर्माण होला र कहिले हामिहरुका बर्खा यामका दु:ख अन्तहोला भन्ने आसमा थियौं, टिमुरदहका स्थानीय लोक बहादुर ढाट भने – बर्खा याम सुरु हुने बितिकै गाउको छेउमै रहेको खोलामा पानीको निकै बाहाब बढ्ने र खेतीपाती लगायत बिद्यार्थीलाई स्कुल आउन जान समेत समस्या हुनेगरेको थियो । अब गाडमा पुल बने पछि यो समस्याबाट यस ठाउका स्थानियले मुक्ति पाएका छ्न ।

पुल निर्माण उपोभक्ता समेतिका अध्यक्ष नन्द सिह महराले झोलुङ्गे पुल निर्माण भएपछि पुर्बीचौकी गाउपालिका ७ टिमुरदहका स्थानीय हर्षित भएको बताएका छन् । पुल नहुँदा स्थानीयहरु दैनिक आवतजावत गर्न पनि ज्यान जोखिममा राखेर वारपार गर्नु पर्ने बाध्य भएको थियो । पुल निर्माण भएपछि यो समस्या हटेको छ स्थानीय बिस्नु महराले भने– गएको बर्ष सघिय मामिला तथा स्थानिय बिकास मन्त्रालय र पुर्बीचौकी गाउपालिकाको आर्थिक सहयोग तथा केदार ग्रामीण समाज नेपालको प्राबिधिक सहयोगमा पुल निर्माण गरेको हो ।

अहिले यहाँ पुल बनेपछि स्थानीयलाई ओहोरदोहोर गर्न सहज भएको छ । स्थानिय ढाटले ज्यानको जोखिमबाट मुक्ति पाएको र ‘पुल नहुदा खोलामा पहिला कयौं विद्यार्थी र एक जना इन्जिनियर समेत बगेका थिए नदीमा ज्यान जोखिममा राखेर यात्रा गर्न बाध्य थियौँ, कतिको त बगेर ज्यान समेत गएको बताए ।

अनुमानित लागत ४६ लाख ८२ हजार पाँच सय २६ रुपैयाँ ४४ पैसा रहेको थियो भने पुलको लम्बाई ९३ मिटर रहेको छ र यहाँका १ सय ६ घर धुरी लाभान्वित भएको केदार ग्रामीण समाज नेपालको प्राबिधिक डम्बर बमले बताए ।