नेपाली सेनाले गर्यो धनगढीमा मृत्यु भएका कोरोना संक्रमितको शव व्यवस्थापन

धनगढी, भदौ १० (ई-रैवार)

उपचारको क्रममा मृत्यु भएका कोरोना भाइरसका संक्रमितको शव नेपाली सेनाले व्यवस्थापन गरेको छ । सेती प्रादेशिक अस्पतालमा उपचारको क्रममा मृत्यु भएका कोरोना संक्रमितको शव नेपाली सेनाले व्यवस्थापन गरेको हो ।

मंगलवार साँझ कोरोना पुष्टि भएका गोदावरी नगरपालिका वडा नम्वर ११ का ४५ बर्षीय पुरुषको आज मृत्यु भएपछि नेपाली सेनाले शव व्यवस्थापन गरेको सेती प्रादेशिक अस्पतालले जनाएको छ ।

अस्पतालले सरकारले जारी गरेको मापदण्ड अनुसार मृतकको शव व्यवस्थापन गरीएको जनाएको छ ।

धनगढीको निसर्ग अस्पतालको आईसियूमा उपचारका क्रममा उनमा कोरोना पुष्टि भएको थियो। कोरोना पुष्टि भएपछि हिजो राति नै उनलाई सेती प्रादेशिक अस्पतालमा सारिएको भएपनि उनको उपचारका क्रममा मृत्यु भएको हो ।