कञ्चनपुरमा सलहको झुन्ड देखियो

कञ्चनपुर, साउन २ (ई-रैवार) 

कञ्चनपुरको दक्षिणी क्षेत्र पुनर्वास र भीमदत्तनगरपालिकाका केही वडामा सलहको झुन्ड देखिएको छ । पुनर्वासमा हिजो साँझ सलहको झुन्ड देखिएको र आज भीमत्तनगरपालिका केही वडामा देखिएको हो ।

कञ्चनपुरका सहायक प्रमुख जिल्ला अधिकारी गोकर्णप्रसाद उपाध्यायले कृषि ज्ञान केन्द्र, प्रहरी र स्थानीयको सक्रियतामा सलह भगाउने काम सुरु गरिएको बताए ।

बालीमा केही क्षति पु¥याएको र खेतमा किटनाशक औषधी छर्किने काम भइरहेको कृषि ज्ञान केन्द्र कञ्चनपुरले जनाएको छ ।

पश्चिमी दिशाबाट आएको सहललाई सोही दिशातर्फ फर्काउन स्थानिय, सुरक्षाकर्मी लगायतको टोली सक्रिय रहेको सहायक प्रमुख जिल्ला अधिकारी गोकर्णप्रसाद उपाध्यायले बताएका छन ।