बच्चाको स्वास्थ्यमा समस्या देखिएपछि आईसोलेशन भर्ना भएका थिए डोटीका संक्रमित

डोटी जेठ १९(ई–रैवार)
डोटीमा पहिलो कोरोना संक्रमित व्यक्ति भेटिएका छन् । डोटीमा समेत कोरोना संक्रमितको पुष्टि भएसँगै सुदूरपश्चिम प्रदेशका सबै जिल्लामा कोरोना भाइरस फैलिएको छ ।
सेती प्रादेशिक अस्पताल कैलालीको प्रयोगशालामा भएको परीक्षणमा डोटीका २५ वर्षीय एकजना पुरुषमा कोरोना भाइरस संक्रमणको पुष्टि भएको हो । डोटीको शिखर नगरपालिका–३ घर भएका कोरोना संक्रमित व्यक्ति जेठको दोस्रो साता भारतबाट आएका थिए ।
उनी भारतबाट आएर पछि बच्चा, श्रीमती सहित क्वारेन्टाइनमा बसेको अवस्थामा शुक्रबार उनको बच्चाको स्वास्थ्यमा समस्या देखिएपछि जिल्ला अस्पतालको आइसोलेसन कक्षमा भर्ना गरिएको थियो । अस्पतालले त्यसपछि उनीहरुको थ्रोट स्वाव संकलन गरेर परिक्षणका लागि धनगढी पठाएको थियो ।
धनगढीस्थित सेती प्रादेशिक अस्पतालको प्रयोगशालामा पीसीआर परिक्षणका क्रममा उनमा कोरोना पुष्टी भएको छ । उनकी श्रीमती र बच्चाको रिपोर्ट भने नेगेटीभ आएको जिल्ला अस्पताल डोटीले जनाएको छ ।
अहिले कोरोना संक्रमित व्यक्ति जिल्ला अस्पताल डोटीको आइसोलेसनमै छन् । उनी कहिले आए, कोकोसँग आए आजैबाट कन्ट्याक्ट ट्रेसिङको काम सुरु हुने स्वास्थ्य कार्यालय डोटीका प्रमुख रमेश मलासीले बताए ।