कोरोना संक्रमित पत्रकार भन्छन, ‘कसरी कोरोना देखियो छक्क छु !’

Eraibar
२०७७ बैशाख ३०, मंगलवार १८:४३

19 Shares

मंगलबार दुई पत्रकारसहित ३९ जनामा कोरोनाभाइरस पुष्टि भएको सार्वजनिक भएको हो।

आफूले तीन दिनअघि स्वाब परीक्षणका लागि दिएको र आज आएको नतिजाअनुसार पोजेटिभ देखिएको संक्रमित एक पत्रकारले बताए।

‘कसरी कोरोना लाग्यो पत्तै पाइएन,’ उनले भने, ‘यसअघि संक्रमण देखिएका बस्तीमा रिपोर्टिङमा पनि गएको थिइनँ।’ आफूमा कुनै पनि लक्षण नदेखिए पनि स्वाब परीक्षण गराएको उनले बताए।

‘कोरोना देखियो भन्ने आएपछि म अचम्ममा छु। अहिले अफिसमा काम गरिरहेको छु,’ उनले भने, ‘अब आइसोलेसनमा जानुपर्ला।’ आज साँझ नारायणी उपक्षेत्रीय अस्पतालको आइसोलेसन जाने उनले बताए। ‘कोरोना नेगेटिभ नदेखिएसम्म आइसोलेसनमै बस्नुपर्छ,’ उनले भने, ‘तर लक्षण केही दिएको छैन।’

कोरोना पोजेटिभ देखिएकाहरूमा स्वास फेर्न गाह्रो हुने, शरीर दुख्ने, खोकी लाग्नेजस्ता लक्षण देखिने गरेका छन्। ती पत्रकारका अनुसार पर्साका अर्का पत्रकारमा पनि कुनै लक्षण देखिएको छैन। ‘ऊ पनि मजस्तै काम गरिरहेको छ। कुनै लक्षण थिएन,’ उनले भने, ‘हामीलाई कसरी कोरोना देखियो छक्क छु।’

उनका अनुसार वीरगन्जका अरू पत्रकारहरू पनि स्वाब परीक्षणका लागि पठाइएको छ। उनीहरूको नतिजा आउन बाँकी छ।

कोरोना संक्रमित पत्रकार भन्छन, ‘कसरी कोरोना देखियो छक्क छु !’

प्रतिकृया दिनुहोस्

कांग्रेस देउवा समूहको अधिवेशन तीव्र : डोटी-बैतडीसहित ९ जिल्लामा नयाँ नेतृत्व चयन

सुदूरपश्चिम प्रदेशमा बजेट छानबिनमै सरकारको आलटाल : आफ्नै निर्णयबाट पछि हट्दै

दसैंसँगै हराउँदैछ निरौलीको इतिहास : चार वर्षदेखि बन्द ‘राजसी दसैं’ र जीर्ण दरबार