जिल्ला अस्पताल बझाङमा थप १७ जनमा कोरोना संक्रमण पुष्टि

बझाङ, असोज १२ (ई-रैवार)

जिल्ला अस्पताल बझाङमा थप १७ जनमा कोरोना संक्रमण पुष्टि भएको छ। पछिल्लो २४ घण्टामा परिक्षण भएका २ सय ५३ नमुना मध्ये १७ जनामा कोरोना संक्रमण पुष्टि भएको हो ।

प्रयोगशाला इन्चार्ज नरेश खड्काले बझाङका नयाँ कोरोना संक्रमित १७ जना र फ्लोअपमा रहेका १२ जनाको कोरोना रिपोर्ट पोजेटिभ आएको जानकारी दिए ।

अस्पतालका प्रयोगशाला इन्चार्ज खड्काका अनुसार जिल्लाको छविसपाथिभेरा गाउँपालिकाका ५ जना, बुगल नगरपालिकाका २ जना, मष्टा गाउँपालिकाका ४ जना, दुर्गाथली गाउँपालिकाका ३ जना र केदारस्यू गाउँपालिकाका ३ जनामा कोरोना संक्रमण पुष्टि भएको हो ।