बझाङ जिल्लाको प्रयोगशालामा थप २० जनामा कोरोना पुष्टि

बझाङ, असोज ११ (ई–रैवार)

जिल्ला अस्पताल बझाङको प्रयोगशाला थप २० जनामा कोरोना पुष्टि भएको छ । पछिल्लो २४ घण्टामा परिक्षण गरिएका १ सय ५९ नमुना मध्ये २० जनामा संक्रमण पुष्टि भएको हो ।

जिल्ला अस्पताल बझाङका प्रयोगशाला इन्चार्ज नरेश खड्काले २० जना नयाँ संक्रमित र फ्लोअपमा रहेका अन्य ४ जनामा पनि फेरी संक्रमण देखिएको बताएका छन ।

प्रयोगशाला इन्चार्ज खड्काले जिल्ला प्रहरी कार्यालय बझाङका १ जना, खप्तडछान्ना गाउँपालिकाका २ जना, तलकोट गाउँपालिकाका १ जना र मष्टा गाउँपालिकाका १६ जना नयाँ संक्रमित र ४ जना फ्लोअपमा रहेका व्यक्तिहरुको कोरोना पोजेटिभ देखिएको जानकारी दिए ।

परिक्षण गरिएका मध्ये १ सय ३५ जनाको नतिजा नेगेटिभ आएको प्रयोगशाला इन्चार्ज खड्काले बताएका छन ।